اسلامی تعلیمات

شہادت

جوں جوں سلطنت شام کو امام محمد باقر علیہ السلام کی صلاحیت اور بزرگی کا اندازہ زیادہ ہوتا چلا گیا اتنا ہی آپؑ کا وجود ان کے لیے ناقابل برداشت ہوتا گیا۔ آخرکار آپؑ کو اس خاموش زہر کے حربے سے جو اکثر سلطنت بنو امیہ کی طرف سے کام میں لایا جاتا رہا تھا، شہید کرنے کی تدبیر کی گئی۔ وہ بظاہر زین کا ایک تحفہ تھا جس میں خاص تدابیر سے زہر پوشیدہ کیا گیا تھا اور جب امام محمد باقر علیہ السلام اس زین پر سوار ہوئے تو زہر ان کے جسم اطہر میں سرایت کر گیا۔ اس کے چند روز بعد آپؑ 7 ذی الحجہ 114ھ کو 57 سال کی عمر میں شہید ہو گئے۔

(اِنَّا لِلّٰہِ وَ اِنَّا اِلَیْہِ رَاجِعُوْنَ)