حسن خلق

"گفتار و کردار میں حسن خلق”
حضرت امام جعفر صادق عليہ السلام نے فرمایا :
’’تم اپنی ملاقات کے انداز میں نرمی پيدا کرو،اپنی گفتگو کو شائستہ بنائو اور اپنے بھائی سے خندہ پیشانی سے ملو‘‘
(بحارالانوار ،ج ۷۱ ، ص ۳۸۹)
۔۔۔۔۔۔۔۔۔۔۔۔۔
خوش نصيب انسان
حضرت پیغمبر اکرم ﷺ کا ارشاد گرامی ہے:
’’خوش نصيب ہے وہ شخص جو لوگوں سے خوش خلقی سے ملتا ہے، ان کی مدد کرتا ہے اور اپنی برائی سے انہیں محفوظ رکھتا ہے۔‘‘
(تُحف العقول ، ص۲۸)
۔۔۔۔۔۔۔۔۔۔۔۔۔۔۔۔۔۔۔۔۔
حسن اخلاق کا ثمر
حضرت پیغمبر اکرم ﷺ کا ارشاد گرامی ہے:
’’ حسن خلق، دوستی اور محبت کو مستحکم کرتا ہے۔‘‘
(بحارالانوار ،ج ۷۱، ص ۱۵۰)
۔۔۔۔۔۔۔۔۔۔۔۔۔۔۔۔۔
نيک اخلاق
اميرالمومنين علی عليہ السلام فرماتے ہيں:
’’کتنے ہی پست لوگ ايسے ہیں کہ جنہیں اُن کے نيک اخلاق نے بلند کيا ۔‘‘
(شرح غررالحکم، ج ۷، ص ۹۴)
۔۔۔۔۔۔۔۔۔۔۔۔۔۔۔۔۔۔۔۔
تقویٰ اور حسن اخلاق
حضرت رسول خدا (ص) فرماتےہیں :
’’ميری امت تقویٰ اور حسن اخلاق جيسی صفت کے زیادہ ہونے کی وجہ سے جنت میں جائےگی
(اصول کافی ، ج ۲، ص ۱۰۰)
۔۔۔۔۔۔۔۔۔۔۔۔۔۔۔۔۔
حسن خلق کے فائدہ
حضرت رسول خدا (ص) فرماتےہیں :
’’بے شک حسن اخلاق کی وجہ سے بندہ آخرت کے بلند درجات اور اعلیٰ مراتب تک جا پہنچتا ہے، اسکا حسن خلق اسکی عبادت کو چار چاند لگا ديتاہے۔‘‘
(اصول کافی ، ج ۳، ص ۱۵)